مشكلتك ليها حل

تيجي: شيري نيم إهموت (سلام ونعمة)

الجميع: شيري نيم إهموت (سلام ونعمة)

شيري: إزايك يا إبني عامل إيه؟

فلتس: واحشنا يا راجل فيييييييينك

كوجي: مش بايييين خالص

سيرسارة: بتتقل علينا يعني ولا إيه النظام؟

تيجي: لا أبداً يا جماعة صدقوني أنتوا ما غبتوا لحظة واحدة عن بالي ودايماً فاكركوا وكمان كل ما أصلي أطلب من ربنا عنكم ... هي بس شوية مشاغل لكل الحمد لله ربنا دبر الأمور وهتذهئوا مني

الجميع: لما نشوف

تيجي: أنتوا إيه أخباركوا ... مفيش جديد .. أنا آخر مرة سبتكم كان عندكم شوية مشاكل كده وقلتوا هتتحل، وأنت يا فلتس ها عقلت ولا لسه برضه منشف دماغك وإللي فيها فيها لسه؟؟؟

شيري: لا جديد ... بقى الوضع على ما هو عليه

كوجي: أتمنى من عمق قلبي المشاكل دي تنتهي ونرجع زي الأول بقى عشان خلاص زهقت وطهقت؛ الواد ده مفيش فيه فايده. ... دماغه ضربة يا عم لسه ناشفة

سيرسارة: الحمد الله نشكره ونحمد عمله معانا وكل إللي يجيبه كويس، فعلاً فلتس ده غرييييييييييييييييييييييييييييب مش عارفه بيفكر كده إزاي!!!

تيجي: إيه يا عم فلتس متقول حاجة

فلتس: آ أقول إيه بعد كلامهم ده .... أنا لا دماغي ناشفة ولا مفيش فايدة فيَّ أو غرييييييييييييييييييب إنما أنا شخص عادي خالص مشكلته أنه بيفكر كتييييييييييير شوية، أنا عارف إن كلامكم ده عشان بتحبوني وخايفيين علىَّ وكمان عشان إحنا إصحاب بس صدقنوني أنا مش هقدر أكمل أو أكون موجود أكتر من كده لكل شيء نهاية ولكل أمر تحت السموات وقت وأظن إن ده وقت الرحيل المناسب.

شيري: خلاص هتسييييييييييييب الخدمة

سيرسارة: يعني كده مش هنشوفك تاني

كوجي: وده يرضي ميين بس ده

تيجي: وإيه الأسباب المرة دي يا سيدي؟؟؟

فلتس: مفيش هيه هيه نفس الأسباب القديمة ويمكن زادت شوية كمان

تيجي: !!!!!!!!!!!!!!!!!!!!

شيري: وتفتكر الحل إنك تسيييييييييييييييييييييييييييب؟؟؟؟

سيرسارة: أنت إنسان سلبي وجبان وإللي بتعمله ده إسمه هروووووووووووووووووووووب؛ هو كل واحد شايف شوية سلبيات يسيبها كده ويمشي ويقول أنا مالي وينط من المركب فى نص الطريق؟؟؟؟

فلتس: دا قراري الآخييير خلاص متحاولوش تأثره علىَّ

شيري: أرميا النبي بيقول كده: "فقلت لا اذكره و لا انطق بعد باسمه" إيه رأيك فى الكلام ده بقى ؟؟؟ يمكن تكون وصلت للحالة بتاعت أرميا دي لكن شوف بقيت الآية بتقول إيه: "فكان في قلبي كنار محرقة محصورة في عظامي فمللت من الامساك و لم استطع." برغم إنه عمل كده وقال أنا مالي ومال الخدمة أنا مش هخدم تاني ولا هتكلم بإسم ربنا تاني فى أي مكان لكنه مقدرش كان كلام ربنا فى قلبه زي النار المحرقة ... قلبه كان بيتئطع من جوه مش قادر ميتكلمش ولا ينطق بإسم ربنا أو يخدمه تاني يمكن تكون انت فعلاً تعبان وكلامك منطقي من الناحية العقلية لكن إسأل قلبك من جوه وهو هيدلك ويقولك لأ مش هتمشي أصل كلمتي لا ترجع إلى فارغة والإناء بتاعي عمره ما يفضى ولو حتى حس بضيق أو ملل أو فكر وقرر إنه يهرب أو يسبني أنا أقدر أرجعه من تاني وأرده فمتقسيش قلبك يا إبني وإتهد فى الأرض كده وإهمد وإعقل شوية وبطل شغل الجنان ده.

سيرسارة: أكمل على كلامك إللي داخل الخدمة دي وأساسه المسيح عمره مهيسيب الخدمة لأن المسيح مركز خدمته ومحوره وكمان حالة الإكتئاب واليأس إللي أنت فيها دي مَر بيها كتيير من الخدام شوف الكتاب بيقولنا إيه:" و طلب الموت لنفسه و قال قد كفى الان يا رب خذ نفسي لانني لست خيرا من ابائي" شفت إيليا النبي الناري بيطلب الموت لنفسه، شفت اليأس والإكتئاب وصل بيه لحد فيييين لكن ربنا مسابهوش كده تايه وحزين ويائس وبائس كان الحل الوحيد هو ده "فقال له الرب اذهب راجعا في طريقك الى برية دمشق و ادخل و امسح حزائيل ملكا على ارام." الحل الوحيد هو (إذهب راجعاً) أن يرجعه للخدمة والعمل هذا أحسن علاج لليأس وهذا ما فعله الرب مع يونان وبطرس(إرع غنمي)

كوجي: القرار قرارك أنت كبيير وعاقل ومحدش يقدر يغصبك على حاجة أنت مش عايزها